یہ 16 جون 2023 میں انگریزی میں شائع ہونے “Greek government tries to deny responsibility for hundreds of migrant drownings' اس ارٹیکل کا اوردو ترجمہ ہے۔

یونانی قصبے پائلوس سے 50 میل جنوب مغرب میں مہاجرین سے بھری ایک ماہی گیری کے جہاز کے ڈوبنے سے ملک میں تارکین وطن کی جانوں کا سب سے زیادہ نقصان ہونے کا خدشہ ہے۔

جون 2016 میں یونان کے سب سے بڑے جزیرے کریٹ کے قریب ایک کشتی ڈوبنے کے بعد کم از کم 320 افراد ہلاک یا لاپتہ تھے۔ حکام نے تازہ ترین سانحے سے اب تک 78 لاشیں نکالی ہیں لیکن رپورٹس بتاتی ہیں کہ جہاز میں 500 سے لیکر 750 افراد سوار تھے اور 24 گھنٹے بعد صرف ان میں سے 104 زندہ بچ گئے ہیں۔

یہ جہاز بدھ کی صبح بحیرہ روم کے گہرے پانی کے حصوں میں سے ایک میں ڈوب گیا تھا کسی اور کے زندہ ملنے کی امید کم ہے۔ ریٹائرڈ یونانی کوسٹ گارڈ ایڈمرل نیکوس سپانوس نے یونانی پبلک براڈکاسٹر ای آر ٹی کو بتایا کہ 'زیادہ سے زیادہ لوگوں کے زندہ ملنے کے امکانات کم ہیں' انہوں نے کراسنگ کے لیے استعمال ہونے والی پرانی ماہی گیری کی کشتی کی قسم کو بیان کیا کہ ' یہ بالکل بھی سمندر کے سفر کے قابل نہیں تھی۔ سیدھے الفاظ میں وہ تیرتے ہوئے تابوت میں سوار تھے۔'

کشتی پر سوار لوگوں نے بتایا کہ جب جہاز ڈوب گیا تو خواتین اور بچوں سمیت بہت سے لوگ جہاز کے نیچلے ڈیک میں تھے۔ ایک نے ایک ڈاکٹر کو بتایا 'تقریباً 100 بچے جہاز میں موجود تھے۔' انٹرنیشنل آرگنائزیشن فار مائیگریشن نے کہا ہے کہ جہاز میں کم از کم 40 بچے سوار تھے جن میں سے صرف آٹھ کو بچا لیا گیا۔

زندہ بچ جانے والے صدمے کا شکار ہیں اور کچھ شدید بیمار ہیں۔ تیس کو نمونیا اور تھکن کے علاج کے لیے ہسپتال لے جایا گیا۔ اقوام متحدہ کی پناہ گزینوں کی اہلکار ایراسمیا رومانا نے ای آر ٹی کو بتایا کہ 'لوگ صدمے میں ہیں' وہ خاندان یا دوستوں کے ساتھ سفر کر رہے تھے جو اب مر چکے ہیں یا لاپتہ ہیں۔

'ہم نوجوانوں کے بارے میں بات کر رہے ہیں زیادہ تر جو بہت زیادہ نفسیاتی صدمے اور تھکن کی حالت میں ہیں۔ کچھ بیہوش ہو گئے جب وہ ان بحری جہازوں سے اترے جو انہیں یہاں لائے تھے۔'

ایک یونانی ریسکیو نے سی این این کو بتایا کہ 'ان لوگوں نے کئی دنوں سے کچھ نہیں کھایا تھا کئی دنوں سے پانی نہیں پیا تھا سورج کی تپش کی وجہ سے جل گئے تھے۔'

بہت سے لوگوں کو اب ملک بدری کا سامنا ہے۔ یونان کے قائم مقام مائیگریشن منسٹر ڈینیئل ایسدراس نے کہا کہ انہیں مہاجرین کے کیمپ میں لے جایا جائے گا تاکہ ان کے سیاسی پناہ کے دعووں کی جانچ کی جا سکے جن کے پاس 'درست' دعویٰ نہیں پایا گیا انہیں واپس بھیج دیا گیا۔

یونانی کوسٹ گارڈ اور سرحدی اہلکار جو قلعہ بند یورپ کی سرحدوں پر بے رحمی سے نگرانی کرتے ہیں اور قاتلانہ 'پش بیک' کے حربے استعمال کرتے ہیں اور مصیبت میں گھرے لوگوں کو سمندر تک چھوڑ دیتے ہیں اور پھر اس کا الزام خود تارکین وطن یا ان کو منتقل کرنے والوں پر ڈالنا چاہتے ہیں۔

کوسٹ گارڈ کے ترجمان نیکوس الیکسیو نے سکائی ٹی وی کو بتایا کہ 'یہ ایک ماہی گیری کی کشتی تھی جو لوگوں سے بھری ہوئی تھی جنہوں نے ہماری مدد سے انکار کر دیا کیونکہ وہ اٹلی جانا چاہتے تھے۔ اگر اسے ہماری مدد کی ضرورت ہوتی تو ہم اس کے ساتھ ہوتے مگر جس سے انہوں نے انکار کر دیا تھا۔'

یونانی حکومت کے ریکارڈ کو دیکھتے ہوئے اس بات پر یقین نہیں کیا جا سکتا ہے کہ مدد کی پیشکش سنجیدگی سے کی گئی تھی یا پھر انہیں اجازت دینے سے انکار کر دیا گیا۔ یونانی حکام کی طرف سے منگل کو دن کے وقت اوپر فضا سے لی گئی تصاویر میں تارکین وطن کو ڈیک پر جہاز کی طرف ہاتھوں کو اوپر اٹھائے دکھایا گیا ہے۔

لیکن اگر سرکاری بیانیہ درست ہے تو یہ یونانی حکومت کی خوفناک مہاجر مخالف بربریت کا منہ بولتا ثبوت ہے کہ سیکڑوں لوگوں نے محسوس کیا کہ اٹلی کے ساحلوں تک پہنچنے کے لیے سمندر میں زیادہ خطرناک گھنٹوں کا خطرہ مول لینا پڑا۔ فاشسٹ ڈیماگوگ جارجیا میلونی کی برادرز پارٹی کے زیر انتظام ملک جہاں حال ہی میں پانچ پولیس افسران کو تارکین وطن کے خلاف تشدد اور جسمانی نقصان پہنچانے کے الزام میں گرفتار کیا گیا ہے۔

اس سیقطع نظر کہ سمگلروں کے انچارج کے بیانات یا تارکین وطن کے نامساعد حالات میں اور یونانی حکام کے خوف سے کیے گئے فیصلے اس حقیقت کو نہیں بدلتے کہ جہاز واضح طور پر شدید خطرے میں تھا۔ پناہ گزینوں کی مدد کرنے والی این جی او الارم فون نے یونانی اور یورپی حکام کی مذمت کی کہ وہ 'اس بھیڑ بھرے اور سمندری جہاز سے اچھی طرح واقف' ہونے کے باوجود کارروائی کرنے میں ناکام رہے۔

اقوام متحدہ کے اہلکار ونسنٹ کوشیٹل نے تبصرہ کیا کہ'یہ کشتی ناقابل برداشت تھی اور اس سے کوئی فرق نہیں پڑتا ہے کہ جہاز میں موجود کچھ لوگوں نے کیا کہا ہو تکلیف کے تصور پر بات نہیں کی جا سکتی۔'

اس کے باوجود ہوائی جہاز بحری جہاز، ٹیمیں اور تیز رفتار ریسکیو آپریشن کے لیے ضروری ساز و سامان کی تعیناتی کے ذریعے تباہی سے بچنے کی کوئی کوشش نہیں کی گئی جس میں چھ کوسٹ گارڈ جہاز، بحریہ کے فریگیٹ، ملٹری ٹرانسپورٹ طیارے، فضائیہ کے ہیلی کاپٹر، متعدد نجی جہاز اور اس کے علاوہ ڈرون کا بھی ریسکیو آپریشن میں شامل ہونے کا کہا گیا ہے لیکن کچھ نہیں کیا گیا۔

حکام واضح طور پر امید کر رہے تھے کہ جہاز اٹلی کے علاقے میں داخل ہو جائے گا اور ان پر کسی قسم کے سانحہ کی زمہ داری عائد نہیں ہو گی اور سانحہ کی صورت میں جہاز میں موجود انسانوں کی دیکھ بھال انکی ذمہ داری ہو گی۔

تاہم بالآخر 93 میٹر لمبی لگژری یاٹ ماینا کوین 4 اور دو دیگر جہازوں نے بچاؤ میں اہم کردار ادا کیا۔ یہ کشتی میکسیکو کے ایک خاندان کی ملکیت ہے جس نے چاندی کی کان کنی سے اربوں کمائے ہیں جس سے سماجی عدم مساوات کی کچھ انتہائی تلخ تصویر ملتی ہے۔ یاٹ کی قیمت 175 ملین ڈالر ہے جس کی سالانہ لاگت 15 سے 20 ملین ڈالر ہے۔

کوشیٹل نے اصرار کیا کہ'اگر ہم اس طرح کے سانحات کو دہرائے جانے سے بچنا چاہتے ہیں تو سنٹرل بحیرہ روم میں ریاستوں کی قیادت میں ایک مضبوط اور پیش قیاسی [سرچ اینڈ ریسکیو] نظام کی ضرورت ہو گی۔' یونان اور یورپی یونین اس کے برعکس کام کر رہے ہیں اور سرحدی گشت میں فرونٹیکس کا استعمال کرتے ہوئے اور ترکی اور شمالی افریقی حکومتوں کے ساتھ ڈیل کر رہے ہیں تاکہ کراسنگ کو ممکن حد تک مشکل اور خطرناک بنایا جا سکے۔

یوروپی یونین کے داخلہ امور کی کمشنر یلوا جوہانسن نے اس تازہ ترین سانحے کو اس ایجنڈے کو آگے بڑھانے کے لیے انتہائی شرمناک طریقے سے استعمال کیا جس نے اس میں اہم کردار ادا کیا اور اعلان کیا کہ 'ہمارا اخلاقی فرض ہے کہ ہم مجرمانہ نیٹ ورکس کو ختم کریں ہمیں رکن ممالک اور تیسرے ممالک کے ساتھ ملکر ان دیوالیہ اسمگلر سے اخلاقی طور پر لڑنے کی کوششوں کو دوگنا کرنا چاہیے۔'

گزشتہ ہفتے لکسمبرگ میں ہونے والی میٹنگ میں یورپی یونین نے پناہ کے متلاشیوں کے قانونی حقوق سے انکار کرنے یورپ کی سرحدوں پر کیمپوں میں ان کی نظربندی کو محفوظ بنانے اور نام نہاد 'محفوظ تیسرے ممالک' میں ان کی ملک بدری کو تیزی سے ٹریک کرنے کے لیے ایک نئی مشترکہ مہاجر مخالف پالیسی پر اتفاق کیا۔ ان میں سب سے اہم لیبیا اور تیونس ہیں جن کا حال ہی میں دورہ یورپی کمیشن کے صدر ارسولا وان ڈیر لیین، میلونی اور ڈچ وزیر اعظم مارک روٹے نے اس ماہ کے شروع میں کیا۔

کچھ دن پہلے لیبیا کی حکومت نے مہاجرین کے خلاف بڑے پیمانے پر کریک ڈاؤن شروع کیا تھا جس میں ہزاروں کی تعداد میں بنیادی طور پر مصری لیکن شامی، سوڈانی اور پاکستانی شامل تھے جن کو ملک بدری کے لیے گرفتار کیا گیا تھا۔

اس اپریل میں لیبیا کے لیے حقائق تلاش کرنے والے مشن کی اقوام متحدہ کی ایک رپورٹ میں پتا چلا ہے کہ 'غیر قانونی نقل مکانی سے نمٹنے کے لیے لیبیا کے ڈائریکٹوریٹ، لیبیا کے کوسٹ گارڈ اور اسٹیبلٹی سپورٹ اپریٹس کے حقیقی یا برائے نام کنٹرول کے تحت حراستی مقامات پر تارکین وطن کے خلاف انسانیت کے خلاف جرائم کیے گئے۔ ان اداروں کو تارکین وطن کی روک تھام اور واپسی کے لیے یورپی یونین اور اس کے رکن ممالک سے تکنیکی، لاجسٹک اور مالیاتی مدد حاصل ہوئی۔

لیبیا کی حکومت نے حال ہی میں زاویہ اور زوارہ کے بندرگاہی شہروں میں بھی ڈرون حملے کیے تھے جن میں 'انسانی سمگلروں' کو نشانہ بنایا گیا تھا اور 'تارکین وطن کی اسمگلنگ کرنے والی سات کشتیوں' کو تباہ کیا گیا تھا۔

الارم فون نے اسی وقت اعلان کیا کہ اسے 'اطلاعات موصول ہوئی ہیں کہ نقاب پوش تیونس کی افواج تارکین وطن کو سمندر میں روکنے کے بعد پرتشدد طریقے سے مار رہی ہیں۔ ایک گواہ نے بتایا: کہ وہ لاٹھیاں اور بجلی کے جھٹکے استعمال کر رہے ہیں۔ لوگ مدد کے لیے چیخ رہے ہیں۔‘‘

پناہ گزینوں کے لیے زمین پر جو جہنم یورپی طاقتوں کے ذریعے پیدا کیا جا رہا ہے وہ مزید مایوس کن سفر کا باعث بن رہا ہے۔ اس سال پہلے ہی بحیرہ روم میں 1,000 سے زیادہ افراد کے ہلاک یا لاپتہ ہونے کی اطلاع ملی ہے جو گزشتہ سال کے مقابلے میں ایک تہائی اضافہ ہے اور 2017 کے بعد کی سب سے مہلک سہ ماہی کے بعد ہے۔