ජනාධිපති රාජපක්ෂගේ හදිසි නීතියට එරෙහි ව සටන් කරන්නේ කෙසේ ද?සමාජවාදී සමානතා පක්ෂය (සසප) සහ සමාජ සමානතාවය සඳහා ජාත්‍යන්තර තරුනයෝ සහ ශිෂ්‍යයෝ (සසජාතශි)

අගෝස්තු මස අවසානයේ දී, ජනාධිපති ගෝඨාභය රාජපක්ෂ විසින් ප්‍රකාශයට පත් කරන ලද හදිසි නීති රෙගුලාසි විපක්ෂයේ ඉතා සීමිත විවේචන සහ පාලක පක්ෂයේ බහුතර සහයෝගය ඇති ව පාර්ලිමේන්තුව හරහා තල්ලු කර ගනු ලැබුනි.

මෙම නීති පැනවීම “මහජන ආරක්‍ෂාව සහ යහපැවැත්ම ද, ප්‍රජාවගේ ජීවිතයට අත්‍යවශ්‍ය සැපයුම් හා සේවා නඩත්තු කිරීම ද සහතික කිරීම සඳහා” බව ආන්ඩුව කියා සිටියත් එහි සැබෑ ඉලක්කය වන්නේ තම සමාජ හා ප්‍රජාතන්ත්‍රවාදී අයිතීන්ට එල්ල කරන ප්‍රහාරයන්ට එරෙහිව අරගලයට අවතීර්න වෙමින් සිටින කම්කරු පන්තිය සහ ගම්බද දුප්පත් ජනතාවයි.

රාජපක්ෂ ආන්ඩුව පෙර නොවූ විරූ ආර්ථික අර්බුදයකට මුහුන දී සිටින අතර මෙම අර්බුදයේ සමස්ත බරට කම්කරුවන් සහ දුගීන් උර දිය යුතු යැයි බල කරමින් සිටී. මහ ව්‍යාපාරිකයින්ගේ ඉල්ලීම් වලට අනුකූල ව, රජය ඊයේ කොරෝනා වෛරසය හා සම්බන්ධ සීමිත සංචරන සීමා සහ සෞඛ්‍යාරක්ෂන ප්‍රතිපත්ති ඉවත් කලේය. ලාභ උත්පාදන අවශ්‍යතා සඳහා සෑම කෙනෙකුම ආපසු වැඩට දැක්කීම එහි උත්සුකයයි.

වසංගතය සාපරාධී ලෙස හැසිරවීම සම්බන්ධයෙන් මහජන කෝපය වැඩෙමින් පවතී. රාජපක්ෂ පාලනය සෞඛ්‍ය විශේෂඥයින්ගේ උපදෙස් නැවත නැවතත් නොසලකා හරිමින්, වේගයෙන් බෝවනසුලු ඩෙල්ටා ප්‍රභේදයෙන් ආසාදන හා මරන සංඛ්‍යා අඛන්ඩව ඉහල යාමට ඉඩ සලසා ඇති අතර මහජන සෞඛ්‍ය පද්ධතිය ශක්තිමත් කිරීමට අපොහොසත් වී ඇත.

රජයේ පාසල් ගුරුවරු, තම වැටුප් ඉල්ලීම් සඳහා මාස තුනක සිට වැඩ වර්ජනයක යෙදී සිටිති. වඩා හොඳ සේවා කොන්දේසි, වසංගතයෙන් ආරක්ෂා වීමේ පියවර සහ දීමනා සඳහා දස දහස් ගනනින් වැඩ වර්ජන ක්‍රියාමාර්ග ගෙන ඇති සෞඛ්‍ය සේවකයෝ, ජාතික පරිමානයෙන් ඔවුන් සමඟ එකතු වී ඇත.

තම අරගල ආරක්ෂා කර ගැනීමට සහ ඉදිරියට ගෙන යාම සඳහා ස්වාධීන හා එක්සත් ව්‍යාපාරයක් ගොඩනැගීමේ හදිසි අවශ්‍යතාවයට දිවයින පුරා සිටින කම්කරුවෝ මුහුන දී සිටිති. කෙසේ වෙතත්, සෑම වෘත්තීය සමිතියක්ම, එවැනි ඒකාබද්ධ ව්‍යාපාරයක් වැලැක්වීම අරමුනු කරගත් නව හදිසි නීති වල සැබෑ අවදානම වසන් කිරීමට කටයුතු කර ඇත.

මෙම සන්දර්භය තුල, සමාජවාදී සමානතා පක්ෂය (සසප) “ශ්‍රී ලංකා ජනාධිපතිවරයාගේ මර්දනකාරී හදිසි තත්වයට විරුද්ධ වනු” යන මැයෙන් ප්‍රකාශයක් නිකුත් කර ඇති අතර නව රෙගුලාසි මගින් ඇති විය හැකි අනතුරු පිලිබඳව දැනුවත් කිරීම සඳහා තරුනයින්, අනෙකුත් පීඩිත කොටස් සහ කම්කරු පන්තිය අතර මැදිහත් වෙමින් සිටී. සමාජවාදී ඉදිරිදර්ශනයක පදනම මත කම්කරුවන් බලමුලු ගැන්වීම සසප රැස්වීමේ දී සාකච්ඡාවට බඳුන් වනු ඇත.

රැස්වීමට සහභාගී වී මෙම තීරනාත්මක සාකච්ඡාවට හවුල් වන ලෙස අපි කම්කරුවන්, ශිෂ්‍යයින්, තරුනයින්, බුද්ධිමතුන් සහ ලෝක සමාජවාදී වෙබ් අඩවි පාඨකයින්ගෙන් ඉල්ලා සිටිමු.

Join the Socialist Equality Party
දේශනය සඳහා නිර්දේශිත කියවීම්

වෘත්තීය සමිති නායකයෝ ජනාධිපති වික්‍රමසිංහ සමග පෙලගැසෙති

ජාත්‍යන්තර මූල්‍ය අරමුදල විධානය කරන රුදුරු කප්පාදු දියත් කිරීමට ආන්ඩුව සූදානම් වෙද්දී පවා, වික්‍රමසිංහට හා ඔහුගේ ආන්ඩුවට සහයෝගය දීමට වෘත්තීය සමිති ප්‍රතිඥා දෙමින් සිටිති.

සමන් ගුනදාස

යූඒඩබ්ලිව් සභාපති ධූරය සඳහා විල් ලීමන්ට සහයෝගය දෙන්න!

පැහැදිලි සමාජවාදී ක්‍රියා මාර්ගයක් මත යූඒඩබ්ලිව් සභාපති ධූරය සඳහා නිල වසයෙන් අපේක්ෂකයෙකු නම් කිරීම, ‌ෙඑතිහාසික සැතපුම් කනුවක් වන අතර, ඇමරිකානු කම්කරු පන්තිය තුල මහජන විප්ලවවාදී ව්‍යාපාරයක් ගොඩනැගීම සඳහා පවතින යෝධ විභවයෙහි ප්‍රකාශනයක් ද වේ.

එරික් ලන්ඩන්

ශ්‍රී ලංකාවේ කම්කරු ක්‍රියාකාරී කමිටු යූඒඩබ්ලිව් සභාපතිත්වය සඳහා විල් ලීමන්ගේ උද්ඝෝෂනයට සහාය දක්වයි

“ලෝකයේ වඩාත්ම සංවර්ධිත කාර්මික ආර්ථිකයන්ගෙන් එකක් වන එක්සත් ජනපදය තුල ලීමන් සහෝදරයාගේ අරගලය, දකුනු ආසියාවේ සහ ජාත්‍යන්තර කම්කරු පන්තිය පුරා අපගේ අරගලයට බලගතු දේශපාලන දිරිගැන්වීමකි.”

ශ්‍රී ලංකාවේ වතු, සෞඛ්‍ය සහ අධ්‍යාපන ක්‍රියාකාරී කමිටු

සර්ව-පාක්ෂික පාලන තන්ත්‍රය ප්‍රතික්ෂේප කරනු! ජාමූඅ කප්පාදු එපා! කම්කරුවන්ගේ හා ගම්බද ජනයාගේ ප්‍රජාතන්ත්‍රවාදී හා සමාජවාදී සම්මේලනය ගොඩනැගීමට සටන් කරනු!

පාලක පන්තියේ කප්පාදුවේ හා මර්දනයේ න්‍යාය පත්‍රය පිටුපස කොලඹ සමස්ත දේශපාලන සංස්ථාපිතය පිහිටුවා ගැනීමට, ජනාධිපති වික්‍රමසිංහ දරන ප්‍රයත්නයන්ට විරුද්ධ ව, තම අයිතීන් සඳහා සටන් කිරීම පිනිස, තමන්ගේ ම ස්වාධීන ක්‍රියාකාරී කමිටු ෙගාඩනගන ලෙස සසප කම්කරුවන්ගෙන් හා ගම්බද පීඩිතයන් ගෙන් ඉල්ලා සිටී.

සමාජවාදී සමානතා පක්ෂය (ශ්‍රී ලංකාව)